Startup Garage 2024-yilda innovatsiya va tadbirkorlik muvaffaqiyatining yorqin namunasi sifatida namoyon bo‘ldi. Tashkilot kompaniyalarni jalb qilish, investitsiyalarni oshirish va turli sohalarga ta’sir o’tkazishda katta yutuqlarga erishdi.
Yurtimizda startap ekotizimini rivojlantirish va mahalliy startaplarni qo’llashga katta e’tibor berilyapti. Shu o’rinda 50 dan ortiq kompaniyalar va 200 dan ortiq iqtidorli shaxslarni o’ziga jalb qilgan Startup Garage haqida ma’lumot beramiz.
Asosiy yutuqlar
2024-yilning Asosiy Yutuqlari sifatida uning tarkibidagi portfel kompaniyalarining umumiy qiymati $20 millionga yetganini ta’kidlash joiz. Shuningdek yuz mingdan oshiq iste’molchi ushbu portfeldagi kompaniyalar hizmatidan foydalandi. 500 dan ortiq kichik va o‘rta bizneslar (KOB) hozirda Startup Garage xizmatlaridan foydalanmoqda.
Ekotizimdagi startaplar bor-yo‘g‘i olti oy ichida $1 million investitsiya jalb qildi, bu esa investorlarning yuqori ishonchini ko‘rsatadi. E’tiborga molik yutuqlar sifatida Startup Garage portfelidagi ikki startap President Tech Awards tanlovi g’olibiga aylandi.
Hududiy rivojlanishni rag‘batlantirish maqsadida Startup Garage viloyatlar kesimida filiallarni kengaytirishni boshladi. Ushbu tashabbus davomida bir nechta yangi startap portfelga qo‘shildi, ulardan 5 tasi ilmiy-tadqiqot (R&D) va patentga yo‘naltirilgan innovatsiyalar bilan shug‘ullanadi.
2025-yil rejalari
Startup Garage kelgusi yil uchun quyidagi ulkan maqsadlarni belgilagan:
Xalqaro kengayish:
Uchtadan ortiq xalqaro ofislar ochilishi rejalashtirilgan bo‘lib, bu global iqtidorlarni jalb qilish va innovatsion ekotizimni mustahkamlashga xizmat qiladi.
Hududiy iste’dodlarni aniqlash:
Yangi hududiy ofislar ochilib, iste’dodlarni aniqlash va ularni rivojlantirish uchun imkoniyatlar yaratiladi.
Ta’lim tashabbuslari:
“SG Founders Kit” va 18 oylik global “Founders School” dasturlari ishga tushiriladi, bu esa tadbirkorlarni zarur ko‘nikmalar va resurslar bilan ta’minlaydi.
Xulosa
Startup Garagening 2024-yildagi yutuqlariga qarab undagi jadal o‘sish, strategik kengayish va startap ekotizimiga sezilarli hissa qo‘shganini ta’kidlash lozim 2025-yilda tashkilot innovatsiyalar markazi sifatida yanada mustahkamlanib, tadbirkorlarni qo‘llab-quvvatlash va iqtisodiy rivojlanishni rag‘batlantirishga tayyor. Yaratilayotgan ijodkorlik va hamkorlik muhiti orqali Startup Garage g‘oyalarni haqiqatga aylantirishga xizmat qiladi.
Tayyorladi: Laylo Xondamirovna
Fikr bildirish