Har bir inson hayotida burilish nuqtalari bo‘ladi. Kimdadir bu birinchi ish, kimdadir muvaffaqiyat, kimdadir esa mag‘lubiyat. Alisher Hasanov uchun esa bu — o‘z startapi muvaffaqiyatsizlikka uchragan kun bo‘lgan. O‘sha paytda u tushkunlikka tushgan, lekin aynan shu tajriba unga eng muhim saboqlarni berdi: xatolar — bu yangi bosqichga chiqish imkoniyati.
Bugun u o‘sha saboqlarni yuzlab yosh asoschilarga yetkazmoqda. Hasanov — A9R akseleratori asoschisi, yuzlab muvaffaqiyatli startaplarga maslahat bergan tajribali ekspert va Markaziy Osiyoning eng faol startap mentorlaridan biri.
20 yildan ortiq tajriba
Alisher Hasanov IT sohasidagi faoliyatini 2000-yillarda boshlagan. U dastlab Rambler, Rutube va Moleskinerie.ru jamoalarida ishlagan.
Keyinchalik Yandex kompaniyasini Turkiya bozoriga olib kirgan — o‘sha davrda bu Yandex uchun eng muhim strategik yo‘nalishlardan biri edi. Shundan so‘ng u o‘z startapini yaratdi, ammo loyiha muvaffaqiyatsizlikka uchradi. Hasanov bu davrni shunday eslaydi:
“O‘sha bankrotlik mening hayotimdagi eng katta burilish nuqtasi bo‘ldi. Shundan so‘ng men Rossiyadagi eng yirik akseleratorlardan biri — ФРИИ (IIDF.ru) ga taklif qilindim. U yerda men 1000 dan ortiq asoschilar bilan ishladim.”
Rossiya bozoridan so‘ng u o‘z faoliyatini Qozog‘istonda davom ettirdi — Astana Hub va Silkway Accelerator dasturlarida mentorlik qildi.
Qozog‘istonda u Codiplay, Kwaka va EasyTap kabi uchta startapni $100 million qiymatga olib chiqdi.
Portfoliodagi muvaffaqiyatli startaplar
Yillar davomida Alisher Hasanov AQSH, Rossiya, Turkiya, Avstraliya, BAA va Qozog‘iston bozorlarida faoliyat yuritayotgan ko‘plab startaplarga maslahat bergan. U ishlagan kompaniyalar orasida LegionFarm, DocsInBox, BestDoctor, YallaMart, EasyTap LTD, Embily va boshqalar bor.
Ba’zilarining natijalari quyidagicha:
- LegionFarm — oyiga $1 million MRR ko‘rsatkichiga chiqdi, hozir AQSH bozorida faoliyat yuritmoqda.
- DocsInBox — $400 dan $5 milliongacha o‘sishga erishdi.
- EasyTap LTD — 217% MRR o‘sishiga erishdi.
Bu natijalarning orqasida bitta narsa yotadi — tajriba va to‘g‘ri yondashuv.
A9R — boshqa akseleratorlardan mutlaqo farqli
Bugun Hasanov o‘z tajribasini A9R orqali ulashmoqda. U buni shunchaki akselerator emas, balki asoschilar uchun real muammolarni hal qiluvchi tizim deb ataydi.
“Biz boshqa akseleratorlar kabi oldindan tayyorlangan rejalar yoki uzoq muddatli (1–5 yillik) strategiyalar asosida emas, balki kompaniyaning hozirgi, aniq va real muammolarini hal qilish ustida ishlaymiz. Aynan shu yondashuv bizga tez va barqaror o‘sishga erishish imkonini beradi,” — deydi Alisher Hasanov.
A9R’da asoschilar bir-biri bilan raqobatlashmaydi — bir-biridan o‘rganadi. Hozircha bir nechta Osiyo davlatlaridan asoschilar ishtirok etgan, endi esa A9R o‘z e’tiborini O‘zbekiston asoschilariga qaratmoqda.
O‘zbekiston startap ekotizimi hali yosh
Alisher Hasanov intervyu davomida O‘zbekistonning startap bozoriga ham to‘xtalib o‘tdi. Unga ko‘ra, ishlar boshlangan, lekin hali qilinadigan ishlar ko‘p:
“Global miqyosda qaraganda, bizning ekotizimimiz hali yosh. Venchur fondlar, inkubatsiyalar va akseleratorlar birgalikda hamkorlikda ishlashlari kerak, bir-biriga raqobatchi bo‘lish emas. Bu davlat va jamiyat uchun zararli.”
Yosh asoschilarga maslahat
U yosh asoschilarga bir narsani eslatadi:
“Xato qilishdan qo‘rqmang, lekin avvalgi xatolarni takrorlamang. Har bir muvaffaqiyatsiz urinish — keyingi muvaffaqiyat uchun tayyorgarlikdir,” — deya ta’kidlaydi Alisher Hasanov.
O’zbek founderlarining xatolari haqida
“Eng katta xatolardan biri — ego, ya’ni kibrning balandligi. Maslahatni tinglamaslik va xatolarda davom etish — bu ahmoqlik,” — deydi Alisher Hasanov.
O’zgarishga va o’sishga tayyor bo’lgan asoschilarni A9R 2-batchda kutamiz!
