O‘zbekiston elektron tijorat bozorida «qimmat» veb-saytlardan ko‘ra, oddiy messenjerlarda qizg’in bozor ketyapti. Boston Consulting Group (BCG) tadqiqotlariga ko‘ra, rivojlanayotgan bozorlarda iste’molchilarning 90 foizdan ortig‘i xarid jarayonida jonli muloqotni (Conversational Commerce) afzal ko‘rishadi. O‘zbekiston sharoitida esa Telegram shunchaki aloqa vositasi emas, balki hayot tarziga aylanib ulgurgan. DataReportal (2024) hisoboti mamlakatimizni messenjerlar ommaviyligi bo‘yicha dunyo yetakchilari qatoriga kiritgani ham bejiz emas.
Lekin, bu qulaylikning orqasida tadbirkorlar uchun katta bir to‘siq bor: kuniga yuzlab «narxi qancha?», «rangi bormi?» kabi bir xil savollarga javob berish, buyurtmalarni daftarga yozib, to‘lovlarni kartadan-kartaga o‘tkazish biznesning o‘sishini sekinlashtiradi. Bunday og’riqlarni esa Magicstore bir necha tugma orqali hal qiladi. Loyiha «mikro-biznes» egalariga o‘z do‘konini 5 daqiqa ichida hech qanday dasturlash bilimlarisiz Telegram ichidagi zamonaviy Web App (mobil vitrina) formatiga o‘tkazish imkonini berdi.
Loyiha shunchaki chiroyli vitrina bo‘lish bilan cheklanib qolmay, biznesning «ichki motori»ni ham avtomatlashtirdi. Bugun Magicstore taqdim etayotgan yechimlarni uchta asosiy yo‘nalishga qaratilgan:
- Tizimli integratsiya: Odoo POS, Billz, Moysklad va 1C bilan bog‘liqlik tufayli Telegram’da sotilgan mahsulot oflayn do‘kondagi kassa bilan sinxron ishlaydi. Bu esa ombordagi qoldiqlarni real vaqtda nazorat qilish imkonini beradi.
- To‘liq savdo sikli: Har bir buyurtma avtomatik ravishda Bitrix24 CRM tizimiga tushadi, to‘lovlar Multicard orqali qabul qilinadi, BTS Pochta esa yetkazib berish logistikasini o‘z zimmasiga oladi.
- Bugungi kunda platformada 300 dan ortiq faol do‘kon faoliyat yuritmoqda, oylik foydalanuvchilar oqimi esa 800 000 nafarga yetgan.
Startup Garage akseleratori ko‘magida rivojlanayotgan Magicstore bugun nafaqat O‘zbekistonda, balki Tojikiston va Janubiy Koreya bozorlarida ham o‘z faoliyatini boshlagan. Endilikda Turkiya, Pokiston va Yaqin Sharq bozorlariga kirish va WhatsApp integratsiyasi hamda sun’iy intellekt (AI) asosidagi savdo assistentini ishga tushirish maqsad qilingan.
‘Agar mijozlar messenjerlarda yashayotgan ekan, biznes ham o‘sha yerda bo‘lishi — endi shunchaki tanlov emas, balki davr talabi”, – deydi loyiha asoschisi Baxriddinxo’ja.
